Inissiaq ikuallattoq
Naneruut puigorneqarsimasoq inissiamik ikuallatsitsivoq
Annonse
Arfininngormat unnukkut nal.20:00-ip missaani Radiofjeld-imi inissiat ilaanniit annertuumik pujornera pissutigalugu qatserisartut saaffigineqarsimasut, politiit nalunaarput.
Qatserisartut inissiamut matu aserorlugu isertertariaqarsimapput.
Taakkua nerrivik annikitsumik ikuallattoq, naneruummit puigorneqarsimasumit aallartissimasoq, piaartumik qamippaat. Taamaalinerani inissiami inoqanngilaq.
Inissiami inilik, kingorna nassaarineqarami ikuallatsitsinermut inatsit naapertorlugu pasineqarluni, 1.000 koruuninik akiliisinneqarpoq.