Inissiat assigeeqqissaarput – ineqarnermut akiliutit minillugit
Namminersorlutik Oqartussat kommunillu Ilulissaniinissiaataanni nutaanni qaammammut akiliutit 3.448koruuninik nikingassuteqarput.
Inissiat 48-t umiarsualivimmut Qeqertarsuullu Tunuani ilulissanut alutornarluinnartumik isikkivilimmiittut Ilulissani Paulus Kristensenip aqqutaani piffissami matumani sanaartorneqarput.
Inissianut tamanut tegnestuen Qarsoq titartaasuusimavoq.
Inissiat tamarmik sanasut suliffeqarfiannit KJ Greenland A/S-imit sananeqarput.
Inissiat tamarmik Namminersorlutik Oqartussat inissiaatileqatigiiffiannit INI A/Simit allaffissornikkut aqutarineqarput.
Taamaakkaluartoq assigiinngissutilerujussuupput. Aviisi Sermitsiaq taama allaaserisaqarpoq.
Eqqaamioriit marluk inissiani assigeeqqissaartuni pingasunik initalinni 68,8 kvadratmeterinik angissusilinni najugaqartut, qaammammut ineqarnermut akiliutini 3.448 koruuninik assigiinngissuteqartunik akiliuteqartarput.
Koruuninngorlugu assigiinngissut annertooq taamaallaat piginnittuunermik pissuteqarpoq: Namminersorlutik Oqartussat inissianik 24-nik sanaartorput; kommuni inissianik 24-nik sanaartorpoq, kommunip illoqarfimmik ineriartortitsiseqatigiiffiutaanut Avannaata Development A/S-imut inissinneqarsimasunik.
Kisianni piginnittuunerup ineqarnermut akiliutinut sunniutaa attartortunut, saniliminnit ineqarnermut akiliutini 3.448 koruuninik akiliuteqarnerusartunut, paasiuminaatsuuvoq.
– Isumaqarpunga ineqarnermut akiliutini assigiinngisitsineq ajorluinnartuuvoq, kisianni inunnik assigiinngisitsinissaq inatsisitigut ajornarsimagunanngilaq, attartortoq ineqarnermut akiliutinik qaffasissunik akiliisartoq, Ingrid Mølgaard, Sermitsiamut oqarpoq.
Ingrid Mølgaard ineqarnermut akiliutit assigiinngissuterujussuat pillugu Avannaata Development A/S-imut aamma Ineqarnermut Attaveqaasersuutinullu Naalakkersuisoqarfimmut naammagittaalliuuteqarsimavoq, naammagittaalliuullu Inatsisartunut ombudsmandiannut aamma tunniunneqarsimalluni.
Allaaserisaq tamaat Sermitsiami atuaruk. Uani isissutisssarsigit:
