Inissiisarfimmit qimaasut navianartut tigusarineqartut
Angutit ujaarineqartut marluk, Qulutannguaq Kleist aamma Olaf Nielsen inissiisarfimmeeqqilersut Sisimiuni Politiinit nalunaarutigineqarpoq
Annonse
Angutit marluk, inunnut navianaatilimmik pinerluuteqarsimanertik tunngavigalugu politiinit navianaateqartutut isigineqarnertik pissutigalugu Sisimiuni politiinit sisamanngornermi ujaarineqalersut ulloq unnuarlu ataaseq ataallugu qimaaqqapput.
Læs "Farlige kriminelle er stadig på flugt"
Politiit sisamanngornermi unnukkut kingusissukkut nalunaarput, Sisimiuneersoq 29-nik ukiulik Qulutannguaq Kleist aamma Nuummeersoq 20-nik ukiulik Olaf Nielsen pingasunngornerup unnuaani Sisimiuni Pineqaatissinneqarsimasunut Inissiisarfimmit qimaasut, tigusarineqartut inissiisarfimmullu utertinneqartut.
- Tigusarinninneq pissanganartorsiorfiunngitsumik pivoq, ikiuuttoqarneranullu qujavugut, Qeqqani politiit aqutsisuat Johan Davidsen oqarpoq.