suliaq
Innarluutilinnut sullissisut pinerlussimasuusimannginnissaat siunnersooqatigiinnit piumasarineqarpoq
Inaarluutilimmut kanngutsaatsuliorneq Inuit Pisinnaatitaaffiinut Kalaallit Nunaata Siunnersuisoqatigiivisa oqaaseqarfigaat
'Innarluutilik kanngutsaatsuliorfigineqartoq'.
Atuagagdliutitinit maajip 21-ani allaaserineqartumi qulequtarineqarpoq.
Allaaserisami atuarneqarsinnaavoq 58-inik ukiulik Lili Naja Jacobsen sulisumit aperineqarsimasoq atoqatigerusunnginnerini. Politiit pisoq misissorusunngilaat ajortuliortoqarsimannginnera pissutigalugu. Lili Naja Jacobsenip paniilu iliuuseqaqqusigaluarput.
Inuit Pisinnaatitaaffiinut Kalaallit Nunaata Siunnersuisoqatigiivi pisoq oqaaseqarfigaat.
- Siunnersuisoqatigiit isumaqarput, tamanna eqqussappat, taamatut isiorneq inuit pisinnaatitaaffiinik innarliinerusoq, angummimmi arnamilluunniit piumanngitsumik kinguaassiutitigut atoqateqarniarluni peqqusaarneq inerteqqutaavoq. Siunnersuisoqatigiillu atoqateqarniarluni peqqusaarnerup sulinerup nalaani pisimanera ajuusaarnarnerpaatut isigaat.
- Akuerineqarsinnaanngilluinnarpoq, suliat inunnik innarluutilinnut tunngassuteqartut, sullissisuminnut qanittumik attuumassuteqalersartut pisullu ilaanni atornerlunneqarnissaminnut ulorianartorsiortinneqartartut tusartaratsigit, Aaja Chemnitz Larsen oqarpoq.
Siunnersuisoqatigiit isumaqarput, suliani taama ittuni iternga tikillugu misissuisoqartariaqartoq, kiisalu suliassaqarfimmut pineqartumut atatillugu suliffeqarfinni tamani aalajangersimasunik sukumiisunillu malittarisassaqarnissaa sulissutigineqassasoq.
Aviisimi AG-mi saqqummersumi allaaserisaq tamaat atuarneqarsinnaavoq. Aviisi ataani pisiariuk: