Inngili Qernertoq ammaqqippoq
Naalakkersuisut Uummannap eqqaani Maarmorilimmi Inngili Qenertup ammaqqinnissaa pillugu Black Angel Mining A/S-imik pingasunngormat isumaqatigiissut atsiorpaat.
Aatsitassanut Naalakkersuisunut ilaasortap Kim Kielsenip, Siumut, piginneqatigiiffiup Black Angel Mining A/S-ip Uummannap Kommuneatalu piiaanissamut isumaqatigiissutip saniatigut "aatsitassanik piiaanissami kalaallit sulisuisa kalaallillu suliffeqarfiisa pitsaanerpaamik akuutinneqarnissaat" pillugu isumaqatigiissut atsiorpaat, Namminersornerulllutik Oqartussat tusagassiorfinnut nalunaarummi ilisimatitsipput. Isumaqatigiissutit taakku marluk pingasunngorpat Hotel Uummannaq-mi atsiorneqassaaq, kingornagullu ilasseqatigiinneqassalluni.
Siusinnerusukkut nalunaarutigineqartartut naapertorlugit piiaanerit ukiup naajartornerani aallartinneqartussatut pilersaarutaavoq, sulisussat 110 sulisorineqarnissaat naatsorsuutigineqarluni,
Inngili Qernertumi qaarusuk aqerloqarfik zinkeqarfillu Uummannap Kommuneani Nuussuup avannaaniippoq. Ukiut 17-it piiaaffigineqareerluni 1990-imi juulip 25-iani matuneqarpoq. nunami tamaani malmeqarfinnik nutaanik nassaarnerup aammalu ukiut kingulliit aqerlup zink-illu akitsornerisa kingorna teknologi-lu nutaaq tunuliaqutaralugu piginneqatigiiffiup naatsorsuutigaa, qaarusuup ammaqqinneqarnissaa imminut akilersinnaassasoq.