Interneti atugaagaluttuinnarpoq
ADSL-ikkut ukkasuumik interneterneq 2009 affaani siullermi 31 procentimik siuariarpoq. Nalunaarasuartaateqarnermi aqutsisoqarfiup nalunaarsugai siulliit taama takutitsipput.
Kalaallit Nunaanni nalunaarasuartaateqarnikkut kisitsit atorlugit nalunaarsuusiat siulliit saqqummeqqammerput.
Nalunaarsuusiap ilaatigut takutippaa ADSL-imik atuineq 2009-p affaata siulliup ingerlanerani 11.162-iniit 12.011-nngorsimasut, t.i. qaffariaat 7,6 procentiulluni, tamatumalu ersersippaa qarasaasiaq atorlugu attaveqaatit sukkanerusut atorneqaleriartuinnartut.
ADSL-inik atuineq 31 procentimik qaffariarpoq. Qarasaasiat aqqutaannik atuinerup qaffariaatai ADSL-it aqqutaannit amerlanerummata paasineqarsinnaalerpoq piffissami atuineq nalinginnaasumik qaffariartorsimasoq.
Kisitsisit atorlugit nalunaarsuusiattaaq takutippaat internettikkut attaveqaatinik sukkanerusunik annertunerusumillu illoqarfinni annerusuni atuineq tupinnartumik eqqumiitsumilluunniit.
Illoqarfiit annerit arfinillit eqqaassanngikkaanni illoqarfinni allani nunaqarfinnilu qaffariaat 27 procentiusimavoq.
Internettikkut attaveqaatinik sukkanerusunik atuinerup siunissamut takutitaa tassaavoq Kalaallit Nunaat paasissutissarpassuarnik katersuisartunik innuttaqarluni nunarsuarmi ineriartorfeqarfiit allat ilagilluinnaleriartorai, ineriartornerullu tamatuma pitsaaqutai atorluarneqarsinnaasussaassasut, aqutsisoqarfik allappoq.
Tamatumunnga peqatigitillugu internetikkut attaveqaatit pisortat innutaasullu akornanni attaveqatigiinnermik nukittorssaasussaartaaq inuussutissarsiornikkullu ingerlanermi nunanut allanut unammillerneq pitsaanerusumik inissisimalersissallugu.
Nalunaarsukkat quppernermi uani aasinnaavatit.