KL

DK

pilluaritsi

Inuilimit nutaanik nerisassiornermut ikiortinngortut

Kalaallit Nunaat aqqaneq marlunnik nutaanik nerisassiornermut ikiorteqalerpoq, taakku Inuilimi misilitsereerlutik angusipput

Saamerlermit issiasunit: Marianne Frederiksen, Nuuk. Rudolf Hansen, Tasiilaq, Kristian Henrik Kleist kiisalu Paarnannguaq Davidsen Sisimiunit. Nikorsunit saamerlermit: Dorthe Olsen, Nuuk. Lea Sanimuinnaq, Maniitsoq. Ane Josvassen, Tasiilaq. Bente Marie Kilime, Tasiilaq. Alma Bendtsen, Narsaq. Ilinniartitsisuupput Cathrine Madsen aamma Irene Jensen. Naduk P. Kristiansen Qaanaaq, Nuka Jakobine Poulsen Nuuk aamma Hansiinannguaq Petersen Qeqertarsuarninngaanneersoq naammasseqataapput assiliseqataanatilli
John Rasmussen, Narsaq
Published

Inuilimi Narsamiittumi nerisassiornermut ikiortinngorniat aqqaneq marluk ataasinngormat misilitsipput.

Nerisassiornermik ikiortinngorniarluni ilinniarfik nutaajuvoq. Ukiup aappaa avillugu atuarneqartarpoq, suliffinnik pingasoriarluni atuarneq atatillugu suliffeqarfinniittoqartarluni.

Ilinniarsimasup nammineerluni meeqqanik, inersimasunik utoqqarnillu kissartunik nillertunillu nerisassiornerup nerisitsinerullu ingerlanneqarneranut tunngasut suliarisinnaasuussavai, saniatigullu atortunik piiaaneq, erruineq eqqiaanerlu ingerlassinnaassallugit. Suliaq igaffissuarni tamani, kantinat iggaviini, meeqqanik paaqqinnittarfinni, atuarfinni assigisaannilu ingerlanneqarsinnaassaaq.

Naammassigaanni ilinniagaq qaffassarneqarsinnaavoq.

nunatsinnit inuiagatigiit
Powered by Labrador CMS