Nuuk
Inuit pingasut ujajaasimasutut nalilerneqarlutik tigusarineqartut
Nuummi politiit inuit pingasut angerlarsimaffimmi ujajaasimasutut nalilerlugit ataasinngornermi tigusaraat
Politiit Nuummi illoqarfiup ilaani Nuussuarmi Nuniaffimmut ataasinngornermi ualilluarnerani aggersarneqareerlutik ornigupput.
Tamanna pivoq Nuniaffimmit nalunaaruteqartoqareersorlu.
Atuaruk: Angut toqutseriarsimasutut pasineqarluni tigummigallarneqalersoq
Atuaruk: Arfinillit aggersarneqareeraluarlutik takkussimanngitsut tigusarineqartut
- Inuit pingasut tigusarivagut, nalunaarutigineqartorlu angerlarsimaffimmi ujajaanertut nalilerparput, taama Nuummi politiini pigaartut pisortaat Søren Bendtsen oqarpoq.
Politiilli pigaartuini pisortap pisoq itinerusumik oqaluttuarisinnaanngilaa, suliaq politiit misissuisartuinit maanna misissuiffigineqarmat.
- Tigusarineqartut eqqartuussivimmut sassartinneqarlutik killisiorneqareerpat?
- Naamik, suli tassunga killinngilagut. Tamanna aamma nalileqqaarneqartussaavoq. Tassa taamaaliornissatsinnut tunngavissaqarnersugut, Søren Bendtsen oqarpoq.
Atuaruk: Nuummi politiit nalunaarutaat