Inuusuttut eqqissiviilliortitsisut suli ajornartorsiutaapput
Nuummi inuusuttut unnuakkut pinerluttuliorsimagunarnerat pissutigalugu angajoqqaat meeqqallu angerlarsimaffii meeqqaminnik oqaloqatiginninnissaannut politiit kajumissaaripput.
Nuummi sunngiffimmi ornittakkami Qajaasani tillinniartoqarneranik kalerrisaarut aallartissimasoq sisamanngormat unnukkut nalunaaqutaq 22.50 missaani politiit nalunaarfigineqarput.
Kingunitsianngua politiit inuusuttut marluk 18-it inorlugit ukiullit naapippaat, taakkulu misissorneqarput tillinniarsimasutullu unnerluutigineqarlutik.
Nuummi meeqqat inuusuttullu suli unnukkut aneertartut, tamannalu ilaatigut pinerlunnermik kinguneqartartoq, pigaartut pisortaat Jørgen Madsen oqarpoq.
- Angajoqqaat meeqqallu angerlarsimaffiiniittut meeqqatik inuusuttullu oqaloqatigissagaat kajumissaarusuppavut, eqqissiviilliortarnerat sivitsormat, pigaartut pisortaat oqarpoq.
Sapaatip-akunnerani matumani tillinniarnerit politiinit nalunaarutigineqartut aappaat tassaavoq marlunngornerup unnuaani 15-inik ukiulik biilinik aallarussisimasutut unnerluutigineqartoq.
Politiit meeqqanik nakkutilliiniarlutik unnuakkut angalaartartut Jørgen Madsen oqaluttuarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...