Inuusuttut Pisiffimmut tillinniarput
Pingasunngornerup unnuaani nukappiaqqat Qaqortumi Pisiffimmut tillinniartut politiit tigusaraat.
Annonse
Nukappiaqqat sisamat 14-iniit 16-inut ukiullit pingasunngornerup unnuaani Qaqortumi politiinut attaveqarput.
Pisiffimmi illoqarfimmiittumi kalerrisaarisoqarsimasoq nal. 03.05 politiit nalunaarfigineqarput, politiillu ornigutsinneqarput, pigaartut pisortaat Anette Ostenfeldt oqaluttuarpoq.
Nukappiaqqat inuusuttut politiit attaveqarfigisimagaat, taakkualu ukiui pissutigalugit isumaginninnermut oqartussaasut akuliunneqarsimasut, pigaartut pisortaat oqaluttuarpoq.
Nukappiaqqat igalaaq aserorlugu pisiniarfimmut isersimapput, tillissimanersulli ingerlaannaq paasineqanngilaq.