Ippeqisarpit?
Sooq inuit ilaat allaninngaanniit ippeqinerusarnersut ilisimatuut paasismagunaraat Ekstrabladet allappoq.
University of Floridami ilisimatuut ippernat aanngernerat misissuiffigisimavaat.
– Inuit quliugaangata ataaseq ippeqinikkaarujussuusarpoq, paasigunarparpullu ippernat suna mamarisarneraat, ilisimatuut misissuisimasut ilaat Jerry Butler Ekstrablademut oqarpoq
Ippernanngooq pingartumik inuit aammikkut steroidelerujussuit imaluunniit kolesterolilerujussuit mamarinerusannguatsiarpaat. Imaappoq illit urinsyrelerujussuusimaguit taava ippernat ornigassavaatsit. Butlerillli aamma oqaatigaa aatta qanoq ittumik type-qarnera ippeqisarnitta 85%-ianut peqqutaasarunartoq.
Naartusut imaluunniit gassiliortartut?
Imaanngilarli steroideqarnaveersaarneq, kolesteroleqarnaveersaarneq urinsyreqarnaveersaarnerluunniit naammattartut. Tassami aamma angisuujullutilluunniit sillakullaaguit, CO2-millu aniatitsilluartuuguit aamma ippernat ornissavaatsit. Taamatullu aamma naartusut aattorniarfigineqartartorujussuupput.
Amerlanernulli tusarluarnarnerpaajugunarpoq eqqissisimallunilu kiaguppallaanngikkaanni ippeqinannginnerusarmat. Taamaattumik augustimi ippernaarunnissaata tungaanut timigut atorpallaarnaveersaaginnarsinnaavagut.