Islandimi qaqqap innermik anitsisartup anitsiartuinnarneranut illersuutaasumik qarmagaliorput
Reykjavikip eqqaani innermik anitsisartut ukiut 800-ngajaat innermik anitsisimanatik innermik anitseqqilerput, innermillu anitseqqilernissaat aarlerinartorujussuuvoq.
Islandimi Svartsengimi innaallagissiorfik Reykjanesimilu illut innermik anitsisartut anitsinerannit illersorniarlugit pingasunik quleriinnik portutigisunik qarmagaliortoqarluni ulloq unnuarlu sulisoqarpoq.
Taamaaliortoqarpoq Reykjavikip eqqaani innermik anitsisartut ukiuni 800-ni innermik anitsinngereersullu innermik anitsisoqaqqilernissaa aarlerinartorujussuummat.
Ilisimatuut isumaqarput Reykjanesip qeqertaasap ataani innermik anitsisartut arfinillit ukiuni 300-ni suli innermik anitsiumaartut.
Qeqertaasami inuit 30.000-it najugaqarput, tassa Islandimi innuttaasut 8 procentingajaat.
2021-miilli tallimariarluni qaqqaq innermik anitsisartoq tallimariarluni innermik anitsivoq.
Taamanimiilli buldozerit, assallatserutit qamutillu assallatserutit 100-ngajaat ulloq unnuarlu sulisimapput, Kristinn Hardarsson, HS Orkami, nukissiorfimmik piginnittumi, pisortaasoq, oqarpoq.
Ujaraaqqat katillugit 560.000 kubikmeterit lavalu ujarannguunnikoq innaallagissiorfimmik illersuissapput.
Decembarimi illoqarfiup Grindavíkip innuttaasuit innermik anitsisoqarneranit eqqugaarujussuarput, inuillu 4000-ingajaat qimagussorneqarsimapput.
Kingornali innermik anitsisoqaqqitsinnagu Grindavíkip eqqaani assiaqutsersuisoqalerpoq.
Islandimi ajunaarnersuaqartillugu iliuuseqarnermut pisortaq, Vidir Reynisson, naapertorlugu illoqarfimmit 50 meterisut ungasitsigisumi anitsisoqarmat illut arlallit innermik anitsisumit nungunneqarlutilluunniit ikuallatsinneqarput.
Reynisson naapertorlugu naatsorsuutigineqarpoq sapaatit-akunneri arfinillit ingerlaneranni Grindavíkip eqqaani 7 kilometerisut takitigisumik kaajallaammik sanaartortoqassasoq.
Svartsengimi nukissiorfimmut sanilliullugu marloriaatingajammik atortussat amerlanerusut atorneqartariaqarput.
/ritzau/NTB