Islandimiut Nuummi nittarsaasilersut

Oktobarip 18-iat suliffeqarfiit islandimeersut Katuami nittarsaassineq Promote Iceland ingerlatissavaat.

Promote Iceland suliffeqarfiit Nuummi nittarsaassinissaannut qaaqqusisuuvoq, islandimiut kalaallillu inuussutissarsiortut imminnut ataqatigiinnerunissaat anguniarlugu.

- Angallannikkut attaviit nunat marluk akornanni taama pitsaatigilersut inuussutissarsiortut periarfissaasa pitsaanerulernerannik aamma nassataqa

Nunatta islandillu akornanni angallannikkut periarfissat ullumikkut taama pitsaatigilersut inuussutissarsiortut suleqatigiinnissamut periarfissaat aamma pitsaanerulerput. Taamaammat islandimiut aamma kalaallit tunisassiorfiutaasa suleqatigiinnerisa pitsanngorsarnissaat pissusissamisoorpoq, Adalsteinn Sverrisson, Promote Icelandimeersoq oqarpoq.

Inuussutissarsiortunik siuarsaaniarneq ulluni marlunni ingerlanneqassaaq.

Ataasinngorneq oktobarip 17-ianni ualeq suliffeqarfiit ataasiakkaarlutik ataatsimeeqateqarnerannut atorneqassaaq.

Marlunngornermi oktobarip 18-ianni ussassaarinertavia Katuami nal. 10 - 17 ingerlanneqassaaq.

Suliffeqarfiit 16-it assigiinngitsunit aallaavillit Islandimit tikissapput.

Peqataasussat tamarmik ataatsimoorussaraat kalaallinik suleqatissanik aammalu sullitassanik pissarsiorneq. Islandimiut suliffeqarfiutaannik ataatsimeeqateqarniaraanni isumaqatiginissaat ajornanngilaq. Soqutiginnittut uunga saaffiginnissapput info@trade.is.

Marlunngornermi oktobarip 18-ianni Katuami aaqqissuussineq kikkunnut tamanut ammavoq.

Paasissutissat allat ukunani pissarsiarineqarsinnaapput info@trade.is aamma http://www.promoteiceland.is/en/

Taakkunani suliffeqarfiit 16-it paasissutissartaat atuarneqarsinnaapput.