Islandip naalakkersuisuini siulittaasoq tunuarpoq

Islandip ministeriunerata, Sigurdur Ingi Jóhannssonip, tunuarniarluni piumasaqaatini præsidentimut Gudni Johannessonimut tunniuppaa.

Tamanna Islandimiut arfininngornermi qinersinerata kongorna tamanna pivoq, tassani Altingimik nutaamik katiterisoqarpoq, tamannalu inatsisartunut ilaasortanut tunngatillugu ajornakusoortumik inissisimalersitsivoq.

- Tamanna nunami naalakkersuinikkut aaqqissuussineq naapertorlugu tunuarnera nalunaarutigaara, naalakkersuisullu nutaat pilersinneqarnissaata tungaanut tassani inissisimanissannut peqquneqarpunga, nutaarsiassaqartitsivik AFP naapertorlugu, Jóhannson tusagassiortunik katersortitsinermi taama oqarpoq.

Ikileriangaatsiartut
Ministeriunerusimasunngortup partiia, Fremskrittspartiet, Selsvtændighedspartiet peqatigalugit naalakkersuisooqatigiikkaluarput, tamannali taamaatippoq.

Selsvstændighedspartiet annikitsumik siuariarpoq, taasinerillu 29 procentii pissarsiaralugit. Tamanna Altingimi piginnaatitaaffiit 63-iusunit 21-nik pissarsititsivoq.

Fremskrittpartiet illuanik kinguariarujussuarpoq, piginnaatitaaffiillu 19-init arfineq-pingasuinnanngorlutik.

Selvstændighedspartiet
Præsidentip maanna Selvstændigehedspartietip siulittaasua qinnuigaa, maanna aningaasaqarnermut ministeriusimasunngortoq, Bjarni Benidiktsson, naalakkersuisunik pilersitsissasoq.

Partiit pingasut peqatigalugit naalakkersuisooqatigiiliorniarluni Benidiktssonip oqaatiginikuuaa, kisianni partiit sorliit pineqarnersut oqaatigineqanngillat, nutaarsiassaqartitsivoq Reuters allappoq.

Aatsaat taama ikitsigisut
Islandimiut 195.200-t qinersinermi taasipput.

Qinersinermut peqataaneq 79,2 procentimiippoq, tamannalu oqaluttuarisaanermi aatsaat taama annikitsigaaq. Inatsisartunut qinersinermi kingullermi 2013-imi Islandimiut qinersisartut 81,4 procentit taasiartorput.

/ritzau/