pilluaritsi

Issittumi ilisimasortat

Tallimanngormat issittumi ilisimasortat 15-it Qaqortumi Niuernermik Ilinniarfimmit soraarummeerput

Issittumi ilisimasortat 15-it siulliit tassaapput Agathe Vahl Møller, Aka Simonsen, Dorthea Berthelsen, Gitte Lincke Ottesen, Hanna Najaaraq Lund, Inge Berthelsen, Kiu Kivioq, Kristine Olsvig, Lars-Peter Mørch Heilmann, Makkannguaq Ottesen, Mike Tuuma Kaas, Maali Filemonsen, Niviatsiaq Guldager, Palli Fleischer Lyberth aamma Sikkersoq Hansen.

Ole G. Jensen

Published 1 June 2013 - 07:35

Annonse

Angutit arnallu 15-it qungujulaqisut tallimanngormat Qaqortumi Niuernermik Ilinniarfimmit issittumi ilisimasortatut soraarummeerput. Issittumi ilisimasortatut ilinniagaqarneq Niuernermik Ilinniarfiup ilinniagaqartitsinerivaa nutaajunerpaaq. Issittumi ilisimasortatut ilinniagaqarneq ukiup affaani sakkortuumik ilinniarfiuvoq.
Ilinniagaqarnermi sammineqarput Kalaallit Nunaata kulturia, eqqumiitsuliorneq, oqaluttuarisaaneq pinngortitarlu. Tamatuma saniatigut ilinniartut kulturimik paasinninnermik siammarsaanermik ilinniartinneqarput, takornarianik misigisaqartitsilluarsinnaaqqullugit.
Taamatut ilinniagaqartussatut siunniunneqarput inuusuttut ilinniarnertuunngorsimasut, imaluunniit TNI-mik ilinniagaqarsimasut, immaqa annertunerusumik ilinniagaqalernissamut uninngagallartut.
Ilinniagaqarnermik aamma siunertaavoq ima atitutigissasoq, nunami maani piffissaq takornariaqarfik naagaangat nunani allanissaaq atorne3qarsinnaalluni.

nunatsinnit inuiagatigiit