Issittumi sakkutuuleeqqinnissaq kinguartinneqarpoq
Illersornissaq pillugu isumaqatigiissuteqarnerup ilaatut Issittumi sakkutuuleeqqinnissaq ukiuni marlussunni unitsinneqarallarpoq.
Maannakkorpiaq poltikkerit illersornissaq pillugu isumaqatigiissut, 2014-ip tungaanut atuuttussaq naammassileraluttuarpaat. Illersornissamut isumaqatigiissut ukiup ataasingajaap matuma siornatigut isumaqatigiissutigineqartoq tunngavigalugu erseqqikkaluarpoq, Issittumi ineriartorneq tunngavigalugu angallannerullu annertusiartuinnarnera pissutigalugu kiisalu pinngortitap pissarititariunnagai pillugit aaqqiagiinngissinnaanerup pisariaqartikkaa danskit sakkutuuisa amerlanerusut tamaani inissisimatinneqarnissaat.
Tamatumunnga ilaatigut ilaapput issittumik saassusinissamut sillimasussanik pilersitsinissaq, Kalaallit Nunaanni timmisartunik sorsuutinik inissiisoqarnisssa aammattaaq timmisartunik inuttaqanngitsunik imaluunniit qaammataasanik alapernaarsuutitut atorneqartussanik peqalernissanik misissueqqissaarnissat. Maanakkulli ilimanarsivoq pilersaarutit tamakku sivikinnerpaamik ukiuni marlunni unitsinneqarallassasut Illersornissaqarfiup aningaasaqarnerliornera pissutigalugu.
Ingeniøren taamatut allaaserisaqarpoq.