Isumaliortaatsimikkut nappaatillit uninngaviat nutaaq siniffinnik qulinik alliliiffigineqartoq
Suliniummut aamma ilanngunneqarlutik ambulancenutinissiivissaq, napparsimasunik assartuisartunut inissaq,naqqullu ataa.
5.318 kvadratmeterit atorneqassapput isumaliortaatsimikkut nappaatilinnut inissanut, ambulancemut inissiisarfimmut, napparsimasunik assartuisartunut inissamut aamma naqqup ataanut, isumaliortaatsimikkut nappaatilinnut Nuummi inissiisarfissap nutaamik allaaserineqarnera taama nipeqarpoq.
Taamak allaaserinnippoq aviisi Sermitsiaq.
Pilersaarut nutartigaq naapertorlugu siniffiit qulinik ilaneqassapput, taamaalillunilu siniffiit katillugit 22-ussallutik. Ineqarnermut Attaveqaasersuutinullu Naalakkersuisoqarfimmi immikkoortortami pisortaq, Embla Kristjánsdóttir Sermitsiamut mailikkut taama nassuiaavoq.
– Sanaartorneqartoq marlunnik quleriiussaaq napparsimmaviillu illutaannut eqqaaniittunut naleqquttuussalluni, ilaatigut napparsimmaviup sungaartumik qalipaataata ilisarnaatigisaa attatiinnarneqassalluni. Init allaffissatut aallaqqaammut siunertaasut siunissami pisariaqartitsisoqalissagaluarpat siniffinngortinneqarsinnaapput, Embla Kristjánsdóttir oqarpoq nangillunilu oqaatigalugu ilaqutariinnut immikkoortortaqarfik, meeqqanut inuusuttunullu aamma ilaqutariinnut unitsinneqartunut inissaqassalluni.
Allaaserisaq tamaat aviisimi Sermitsiami atuaruk.
