- Isumaqatigiinniarnerit maannakkut naammassissapput
Kanukoka aamma naalakkersuisut ”akuersaartumik” isigaat Imak isumaqatiginiaqqissinnaalissagamikku
Neriuutissaqaqqilerpugut.
Aningaasaqarnermut naalakkersuisoq finanser Maliina Abelsen aamma Kanukoka-siulittaasoq Martha Abelsen ullumi ataatsimoorussamik tutsiussaat taama nalilerneqarsinnaavoq.
Tallimanngornermi uppernarsarpaat ilinniartitsisut kattuffiat Imak isumaqatiginninniarnerit aallarteqqinneqarnissaannut qinnuteqaammik nassiussaqarsimammat.
- Kanukokap aamma Naalakkersuisut saaffiginnissut taanna akuersaartumik isigaat, ullumilu Imak attaveqarfiginiarlugu ingerlariaqqinnissaq pillugu sukumiinerusumik isumaqatigiissuteqarnissaq siunertaralugu, Maliina Abelsen aamma Martha Abelsen oqarput. Ilanngullugu tikkuarlugu isumaqatiginninniarnerit sivisusimapput amerlasuunik ataatsimiinnertaqarsimallutik, maannakkullu sukkanerpaamik naammassineqartariaqarlutik.
Ilinniartitsisut atorfinitsitsinermut mattussinerat marsip aallaqqaataani atuutilerpoq. Qaammatip aappaa avillugu sinerissami atuarfiit ilinniartitsisunik nutaanik atorfinitsitseqqusaanngillat.