IT-nik ajornartorsiornerit akiuussusertinnermut uppernarsaatit kinguaattoortippai
Akiuussusertissimanermut uppernarsaatinik tunniussisarnermi atortunik ajornartorsiortoqarsimavoq.
Qarasaasiatigut ajornartorsiornerup kinguneranik paasissutissarpassuit nammineq allattorneqartariaqarsimapput, akiuussusertissimanermullu uppernarsaatit tunniunniarneqarneri kinguaattoortippaat.
Corona pillugu allattoqarfik Sermitsiaq.AG-mut taama ilisimatitsivoq.
Corona pillugu allattoqarfiup ilisimatitsinera naapertorlugu qarasaasianik ajornartoorneq sapaatip-akunnerata siuliani annertunerpaavoq, tassani uppernarsaatit 400-t missaanniittut nammineq nalunaarsorneqartariaqarsimapput. Ajornartorsiut maanna aaqqinneqareerpoq, kisianni innuttaasut ilaasa uppernarsaatertik sivisunerusumik utaqqisariaqarsimavaat.
Uppernarsaatit nunatsinnit nunanut allanut angalanermi atorfissaqarput. Kisianni uppernarsaat paarigaanni danskit akiuussusersorneqarsimasut nalunaarsuiffianut paasissutissat ilanngutsinneqarsinnaapput, danskillu coronapassiannik pissarsilluni.
Uppernarsaatillu piumaneqarluarput – aamma innuttaasunit angalasussaanngitsunit. Corona pillugu allattoqarfik naapertorlugu nunatsinnit nunatsinnullu angalasussanit bilitsinit amerlanerujussuarnik piniartoqarsimavoq.