Ivalomut aamma Minimmut tunissutit
Kevin aamma Augo Kulusummeersut marlulissanut immikkut tamamrik assakaasulinnik nanuliuussimavaat
Kronprinsikkut marluliaataasa kalaallit aqqanik atserneqarsimanerannik nutaarsiassat Kulusummi Atuarfimmut anngummat nuannaarneq killissaqanngilaq.
Meeqqammi Dronning Margrethe aamma Prinsgemal Henrik atuarfik takuniarmassuk ilassereerpaat.
Decembarimi 2009-mi kalaallit suliaannik Nordatlantens Bryggemi saqqummersitsineq ammarneqarmat meeqqat arfininillit taamanikkut 6. klassimi atuartuugallaramik sanaavi pinngussat qamutit prins Christiammut aamma prinsesse Isabellamut tunissutissat kronprins Frederiup tiguai.
Tallimanngormat Kevin aamma Augo 7. klassimi atuartut tuluttut aamma matematikimik atuarnissartik taamaatiinnarlugit pinngussat taakku marlulissat kalaallisut Ivalomik aamma Minimmik atillit pissaat naammassiniarpaat.
Aajuku tulluusimaaqalutik takutippaat, maannalu nannut tunumiut assakaasullit Københavnimi Amalienborgimut ingerlaarput.