Jens Napaattuup Naalakkersuisunik uppisitsisinnaanini attatiinnarpaa
Partii Naleqqami ilaasortaq Jens Napaattooq Naalakkersuisunut piumasaqaatiminik allanngortitassaanngitsunik aalajangiusimannippoq
Jens Napattooq piumasaqaatimi qasukkaammisinnissaanik eqqarsaateqanngilaq. Naalakkersuisoqatigiit isasoorutigisinnaasaat suli tooriaannaavaa.
AG allappoq.
Naalakkersuisoqatigiit naluneqanngitsutut ataasiinnarmik amerlanerussuteqartut.
Partii Naleqqamut ilaasortap Namminersorlutik Oqartussat napasuliarsuanni iikkat sajuppillatsippai Sermitsiami ilimasaarigami piumasani pinngikkunigit Naalakkersuisut uppisinniarini: Ittoqqortoormiini Qaanaamilu piniagassanik killilersuinerit atorunnaarsinneqassapput aqutsiveqarfimmilu Upernavimmi tunitsiveqarnikkut ajornartorsiutit aaqqinneqartariaqarlutik, piumasaqaatai sanioqqunneqarsinnaanngitsut taama imaqarput.
- Piumasaqaataavoq pinngitsoornani naammassineqartussaq, partiitsinnullu politikkikkut oqaaseqartartutut tusagassiorfinnik oqaloqateqartinnanga Inatsisartuni gruppitsinnik ataatsimeeqateqarsimavunga. Naalakkersuisut Ittoqqortoormiini Qaanaamilu piniagassatigut killilersuiffigineqannginnissaat pillugu allakkatigut arlaleriarlunga saaffigisarsimavakka, Naalakkersuisunilli qisuariarfigineqassananga. Maannalu sakkortuuliorfigisariaqakkannut killissimavuut, Jens Napaattooq, Inatsisartuni Aalisarnermut Piniarnermullu Ataatsimiititaliamut siulittaasuusoq, oqarpoq.
Allaaserineqartoq AG-mi tamakkiisumik atuaruk: