Johanne Kristina Tasilamut tikilerpoq
RAL Tasiilaliartitsinialeqaaq. Umiarsuarmi ullumi Nuummiit aallarpoq
Ullumi marlunngornermi umiarsuaq Johanna Kristina Tasiilaliarluni Nuummiit aallarpoq. Aqqutaani Tasiilami Pilersuisup pisiniarfianut nioqqutissat kujataani usilersuutissavai. Sapaatit akunnerisa kingulliit ingerlanerani Tasiilap avataa sikueruteriarmat RAL-ip nunaqarfinnut pajuttaataa Johanna Kristina nunatta kujataa aqqusaarlugu Tasiilaliartinneqartussanngorsimalluni.
Umiarsuaq tunup sineriaanut apuuppat avasiinnarsuakkoorniarpoq, timaatugaani sikorsuaqarnersua pissutaalluni. Umiarsuarlumi anorersuarsiulissangaluarpat oqquiffissaqanngimmat imaassinaavoq tikiunnissaa kinguaattoortoq.
Umiarsuulli apuutiaarnissaa Royal Arctic Linep neriuutigaa, nioqqutissammi Tasiilami amingaatigineqaqisut apuunneqarniassammata.
Taama Royal Arctic Line allappoq.