Juliane H. silaannaq pillugu akerliunermut takutitsinermi oqalugiarpoq
– Silaannaap allanngoriartorneri akiorniagassat ornitatta annersaraat, taamak IA sinnerlugu folketingimi ilaasortaq Københavnimi arfininngormat silaannarmut tunngatillugu akerliussutsimik takutitsinermi oqarpoq.
Oqariartuut "STOR KLIMAKATASTROFEN - vi vil, vi kan, og vi skal!" (SILAANNARMIK AJUNAARNERSUAQ - piumavugut, pisinnaavugut, taamaaliussaagullu!" atorlugu suliniaqatigiiffik Klimakatastrofen københavnimi arfininngormat akerliussutsimik takutitsinermut peqataaqqusilluni kajumissaarivoq. Folketingimut ilaasortaq Juliane Henningsen tassani oqalugiarpoq.
IA-p folketingimut ilaasortaatitaata oqalugiarnermini ilaatigut oqaatigaa nukissiuutit ataavartumik ingerlasinnaasut suli maannakkornit suliniutigineqartariaqartut aammalu nukissiornerup tunngaatigut aaqqiissutissat avatangiisinut ajoqutaannginnerusut nutaat ilisimatusarfiginerusariaqartut.
– Naalakkersuisutsinnut silaannaap pissusaanut tunngatillugu avatangiisinullu tunngatillugu suli annertunermik akissussaaffeqarnissaa piumasarisariaqarparput, co2-mik aniatitsinitsinnut tunngatillugu ilisimasat isumassarsiallu katersortariaqarpagut, taamalu aniatsitsinitsinnut annikillisaataasunik periuaatsinik nutaanik ineriartortitsilluta, Juliane Henningsen oqaluttarfimmiit oqarpoq.
Taamatut oqariartuuteqarneq aaqqissuisuusut "Klimabevægelsen"ip isumaanut naapertuuppoq. Taakku isumaqarput, pærinik nukissiuutinut sipaarutinik pisinikkuinnaq fjernsynillu qamittarnerinnaatigut nunarsuup kissatsikkiartornera aaqqissinnaanngikkipput.Klimabevægelsen naaperetorlugu ataavartunik nukissiuuteqarnissamut, ataatsimoortumik angallassissutinik pitsaanerusumik atuilernissamut, nukissiuutinik atuinerulersitsinngitsunik sanaartornermut aammalu nunalerinermut ajoqutaannginnersumik akuutissanillu atuiffiunnginnerusumik ingerlatsilernissamut annertoorujussuarmik nuukkiartortoqartariaqartoq./p>
Juliane Henningsenip oqalugiaataa (qallunaatuinnaq) talerpiatungaaniit downloaderneqarsinnaavoq.