Juliane SF-ip ataatsimeersuarnerani
Folketingimut ilaaasortaq Juliane Henningsen, IA, SF-ip Århusimi weekendimi ataatsimeersuarnerani peqataavoq.
Tassani SF-ip siulittaasua Villy Søvndal, Kalaallit Nunaanni inatsisartunut qinersinissaq pillugu oqaloqatigaa.
- Islandimi qinersinermi saamerliit ajugaanerata kiisalu IA naatsorsuutigisatsitut ingerlalluassappat, assorsuaq siunissamut neriulluarnarpoq. Taamaalillutik Inuit Ataqatigiit nunani avannarlerni kivitseqataasinnaalluarput, Villy Søvndal oqarpoq qilanaarlunilu Nuummi IA-p inuusuttaanik maajimi naapitsinissamminut.
Villy Søvndal Hotel Hans Egedep qaqqusineratigut Nuummiissaaq maajip 8-aanni 9-annilu.
SF-ip ataatsimeersuarnerani inuit neriulluarnerat Julianep malugilluarsimavaa:
- SF-ip inuiaqatigiinni naligiinngiffioqisuni nammaqatigiinneq aallaavigalugu periuseqarnissap pisariaqartinneqarnera ersersilluarsmavaa. Naligiinnginneq nunatsinni aamma atuuppoq, taamaattumillu SF-ip Inuit Ataqatigiillu politikkikkut suliani pingaarutilinni isummiussatigut assigiissuteqarnerat ersarippoq, Juliane Henningsen oqarpoq.