Junnuk maanna tunuarpoq
Jonathan Motzfeldtip inatsisartut siulittaasuattut tunuarnissamik aalajangernera partiinit tamanit ajuusaarutigineqarpoq.
Jonathan Motzfeldtip tunuarniarluni aalajangernera pillugu partiit tamarmik ajuusaarutigalugu oqaatigaat. Siumup oqaaseqartua Lars-Emil Johansen Jonathan Motzfeldtip politikkikkut sulisimanera pillugu persuarsiornartumik qujassuteqarpoq.
Jonathan Motzfeldtip tunuartinnani inatsisartut immikkut ittumik ataatsimiinnerat nal. 15 aallarnerlugu inatsisartuni ilaasortaasimasoq Agnethe Davidseniugaluaq eqqaaniarlugu minutsimi ataatsimi nipaallisimaneqarpoq.
Tamatuma kingorna sinnissussat arlallit inatsiartuni najuuttunit akuersissutigineqaqqaassapput. Taamaalimmat Siumukkormiut sinniisussaatitaat Isak Davidsen assortuussutaalerpoq. Demokraatit oqaatigaat Isak Davidsen Siumumiit Inatsisartuniillu tunurniuteqarsimavoq. Aamma Isak Davidsenip inissisimanera IA-p nalornissutigaa. Kisianni Naalakkersuisut siulittaasuat Hans Enokseni naapertorlugu naalakkersuisut inatsisilerituui isumaqarput, sinniisussatut atuuffik innuttaasunik sullissinermut tunngasuusoq, taamaattumillu Isak Davidsen aggersarneqarsimaguni inatsisartuni najuunnissaminut pinngitsoorsinnaanngitsoq.
Taamaalimmat Isak Davidsenip ilaasortaasinnaanera taasissutigineqarpoq, aqqaneq-marluk akuersillutik, arfinillit akerliullutik arfineq-marlullu Tommy Marø-mut sinniisuusinnaanerata akuersissutigineqarnissaanut taaseqataanatik, Tommy naalakkersuisuni ilaasortaatilluni sulinngiffeqarnissaminik qinnuteqarsimavoq.