Juullip Inua Pilersuisumut aqqusaartoq
Juullip Inua Qasigiannguanut aqqusaarluni meeqqanut tunissutissanik tunioraalermat meeqqat, inuusuttut utoqqaallu pilluarnartumik tupaallatsinneqarput.
Annonse
Ho ho hooooooo, nipaarpoq juullip inua qasigiannguani utoqqaat illuanniit anillakkami. Juullip inuata nassarpaa poorsuaq tuttuaqqanik Rudolfeerarpassuarnik meeqqanut agguaassassanik imalik.
– Naalappisi? Meeqqat suaartarfigai tuttuaqqallu pinngussat meeqqanut agguaallugit. Tamanna pereermat pisiniarfimmi juullerpalaartumik isersimaartoqarpoq, meeqqat 'drink'-inik iibilinillu tuniorarneqarlutik, innuttaasunullu utoqqaanerusunut kaffeqarluni, teeqarluni viinnimillu ussiisitsisoqarluni.
Qasigiannguit assorsuaq aputeqarsimavoq, meerarpassuillumi juullertinnagu apinissaa kissatigisimassagunavippaat, sisooqattaarummik sisooqattarniassagamik.