Jyllandip avannaa
Jyllandimi qummoroortarlutik ajutoorlutik toqusut
Jyllandip avannaani inuit arlallit qummoroortaatinik ajutoorfiusuni assigiinngitsuni marlunni ajoquserput. Pingasut toqupput, marluk ajoqusertut
Inuit pingasut ajunaartut, allat marluk sakkortuumik ajoquserput qummoroortaatinik Jyllandip avannaani Mariagerimi sumiiffinni assigiinngitsuni marlunni ajutoortoqarmat, taama Jyllandip avannaani politiit Ritzaumut ilisimatitsipput.
Sisamanngornermi ullaakkut pingaartoq Heine Hansen ilisimatitsivoq ajutoorneq qummoroortaatinik qaartartunik ulorianartunik atuinermit pisimasoq.
- Misissuigallarnerit takutippaat ajutoornerit tamarmik pisimasut qummoroortaatinik qaartartunik aallartitsinerup nalaani, pingaartoq tusagassiuutinut taama allappoq.
Ajutoornerillu tassa taakkua inuit pingasut inuunerannik naleqarput. Kisianni suli nalunarpoq ajutoornerit imminnut attuumassuteqarnersut.
- Piffissap sivikitsup iluani qummoroortaatinik ulorianartunik ajutoorluni aallartitsinikkut ajunaartoqarpoq. Inuit pingasut toqupput, allallu aqqunartiterlutik, Jyllandip avannaani politiit unnuaq taama ilisimatitsipput.
Ajutoornerit tamarmik Mariager Fjord Kommunemi pipput. Suli naluarpoq ajutoornernut suna pissutaanersoq.
- Sillimaniarneq pillage sakkutuut qaartartulerisartui aggersarneqarput ajutoorfiusumi misissuinissamut ikiortisiarineqarlutik, Heine Hansen oqaluttuarpoq.
Ajutoortut tamarmik timmisartuaqqamik Københavnimi Rigshospitaliliaanneqarsimapput.
Hobrollu napparsimaviani upalungaarsimasunik nakorsamik, psykologimik politiinillu piareersimatitsisoqalerluni.
Inuit aqqunartitersimasut marluk Rigshospitalimut nalunaaqutaq 02.40 apuunneqarput. Taakkua aqqunartitersimaqaat.
Politiit ajunaartut pillugit paasissutissanik avammut saqqummiussaqanngillat.