K. Jeremiassen: Inissiap pitsaassusaa malillugu akeqalerlik

Ineqarnermut akiliut naalakkersuisut appartinniarpaat ineqarnermut tunngasut qulaajaaffigineqareerpata. Maanna Siumut sinnerlugu Inatsisartuni ilaasortaq Kristian Jeremiassen siunnersuuteqarpoq ineqarnermut akiliut inissiap pitsaassusaa malillugu annertussusilerneqartalissasoq. Taassuma ippinnartoqartippaa inissiat aserfallakkiartortut akitsoriartuinnartarnerat.

Atuaruk: Naalakkersuisut ineqarnermut akiliut appartinniarpaat

Ineqarnermut Naalakkersuisoq Siverth K. Heilmann pingasunngornermi nalunaarpoq ineqarnermut allanngortiterineq aallartinneqalersoq. Inigisamut akiliut appartinneqassaaq akissaatikitsut inimik attartornermut akissaqarniassappata.

Atuaruk: Ini: Inimut akiliut kommunep namminersorlutillu oqartussat pisarpaat

Kristian Jeremiassen Siumumeersoq Inatsisartut upernaamut katersornissaannut siunnersuuteqarpoq inissiap pitsaassusaa malillugu inigisamut akiliut annertussusilerneqartalissasoq.

Jess Svane: Inigisamut akiliut apparujussuarli

Inissiat pitsaanngitsut
- Pissusissamisoortuunngilaq inissiat aserfallakkiartortillutik akitsoriartuinnartarnerat. Siunnersuut saqqummiuppara akissaatikinnerit eqqarsaatigalugit. Taakkuuppummi inissianik akikinnerusunik attartorusuttartut. Amerlasuutigut inissianik pisoqqanik attartortarput inissialli tamakku attartornerannut akiusoq inissiap pitsaassusaanut naapertuutinngilaq, Kristian Jeremiassen Sermitsiaq.AG-mut oqarpoq.

Naalakkersuisut nalunaarutaat malillugu inissianik amerlasuuni ukiuni aggersuni sanaartortoqarnavianngilaq. Aningaasat iluarsartuussinernut aserfallatsaaliuinernullu atorneqassapput

- Neriuppunga suleqatigilluta aaqqiissutissamik pitsaasumik nassaarumaartugut. Inissianimmi attartortut ikinngillat ukiut 20-it angullugit inigisami ataatsimi najugaqartartut. Taakku ineqarnermut akiliutaat qaffakkiartuinnavittarpoq naak inissiaq aserfallakkiartoraluartoq, Kristian Jeremiassen oqarpoq.

Inatsisartut upernaakkut katersornerat martsip 18-at aallartissaaq.