Kalaaleq arnaq Københavnimi pinngitsaalineqartoq
Kiisami politiit takkutiaartorujussuupput.
Naammattuuisunut takusaq sakkortoqaaq sapaammi unnukkut nal. 18-ip kingunitsianngua arnap ilungersorluni nillianera tusarlugu orniguffigimmassuk orpikkat ungalusat portusuut tunuanni Brønshøjimi Hyrdevangenip eqqaani illoqannginnersami. Taamatut Ekstra Bladet ataasinngornermi allaaserisaqarpoq.
Angut qernertormiu 28-nik ukiulik arnaq kalaaleq 24-nik ukiulik qarlii trussiilu kivilersimallugit qallersimavaa.
Takunnittut politiinut sianerput nipiliorsuataarmatalu pinngitsaaliisoq qimaarsuataarpoq. Politiillu takkutigasuartorujussuupput.
Angut qimaarsuataaleraluarluni politiit paasiniaasartuat naammattooqqissaarpaa, taassumalu tigusaralugu.
- Tigusarineqartoq Frederiksbergimi eqqartuussivimmi ataasinngornermi sassartinneqassaaq, pinngitsaaliisimasutut eqqartuunneqassalluni, Københavnip Politiivisa paasiniaasartoqarfianni pisortaq, Hans Erik Raben oqarpoq.