Kalaaleq savimmik kapineqarami inuunera navianartorsiorsimasoq
Sapaatip-akunnerata siuliani angut inuusuttoq kalaaleq Nørresundbymi savimmik kapineqarpoq. Angut 21-nik ukiulik aamma kalaaleq suliamut atatillugu tigummigallarneqarpoq.
Annonse
Sapaatip-akunnerata siuliani pingasunngornermi Nørresundbymi Danmarkimiittumi ineeqqami imertillutik savimmik kapisineq pivoq.
Imigassartortillutik eqqissiviilliortoqalerpoq, angullu inuusuttoq savimmik kapineqarpoq.
Eqqugaasimasoq kalaaliuvoq, pisimasullu kingorna inuunerminik navianartorsiorsimavoq.
Angulli inuunerminik navianartorsiunngitsoq sisamanngormat nalunaarutigineqarpoq, Jyllandip avannaani politiini pigaartoq Thomas Ottesen Sermitsiaq.AG-mut oqarpoq.
Angut 21-nik ukiulik pingasunngormat tigusarineqarpoq kingusinnerusukkullu inatsisit tunngaviusut naapertorlugit killisiorneqarluni.
Angut 21-nik ukiulik sapaatip-akunnerini sisamani tigummigallarneqartoq kalaaliusorlu Thomas Ottesen oqaluttuarpoq.