Kalaalimerngit akisuut: Utoqqaat pissutsit kanngusuutigaat
Utoqqaat amerlanerpaat inuunertik iluarisimaarpaat, tamanna utoqqaat inuunerminni atugassarisaannik misissuinerup takutippaa. Ilaalli kiserliorput allallu kataassimasutut misigisimallutik, pissutigalugu nerisassanik imminnut pilersorsinnaannginnamik.
![Kalaalimerngit akisuut: Utoqqaat pissutsit kanngusuutigaat Brættet, nuuk, brædtet](https://image.sermitsiaq.ag/298866.webp?imageId=298866&width=960&height=640&format=jpg)
Utoqqaat pitsaasumik inuuneqarnissamut kalaalimerngit pingaaruteqarnerpaat ilaattut erseqqissaatigaat.
Ajoraluartumik tamarmik kalaaliminernik pissarsisinnaanngillat, tamannalu kanngusunnertut ittumik misiginnilersitsisinnaavoq, tamanna Kalaallit Nunaanni utoqqaat inuuniarnermi atugarisaat pillugit misissuinersuarmi takuneqarsinnaavoq, AG allappoq.
Kanngunartinneqarsinnaasartoq
- Utoqqaat, neqinik, orsumik aalisakkanillu pilersuisoqannginnertik pissutigalugu kalaalimineerniarfimmi pisiniarfinniluunniit kalaaliminernik pisiniartariaqartartut oqarput ajuusaarutigalugu kanngunartissinnaallugulu imminnut kalaaliminernernik pilersorsinnaannginnamik. Utoqqaat tamakkua aamma oqarput qaqutiguinnaq kalaaliminertortarlutik, akisunerujussuat pissutigalugu, nalunaarusiami allassimavoq.
Misissuineq, suliniummut »Arktisk Aldring-projektet« (Issittumi Utoqqalineq), atatillugu Statens Institut for Folkesundhed-imit ingerlanneqarsimavoq, taannalu manna tikillugu Kalaallit Nunaanni utoqqaat inuunerminni atugaannik aatsaat taama ititigisumik takutitsivoq.
Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisiariuk: