Kalaallisuut catwalk-imiittut - aammaarlugit
Facebookimi atuisut ilusilersuisartup Peter Jensenip ilusilersugai kamiit arnallu kalaallisuuisa atortuisa ilaannik atisaliani ataatsimoortuni ilusilersuisartup ukuartik Nuummi najugarsimasoq atsiullugu »Jytte«-mik taasimasai pillugit tapersersuisut pilersinneqarsimapput.
Tapersersuisut marsip 25-iani 2009-mi pilersinneqarsimasut »Go Peter Jensen«-imik taaguuteqarput.
Tapersersuisunik pilersitsisuuvoq Else Berthelsen - » isumaqarama atisaliat ataatsimoortut »Jytte« pillugit kalaallit qisuariaataat tusagassiorfitsigut sammineqartoq akerliunermut sammitinneqartut - uangalu inuit ilaanni tapersersuisoqarnera takutikkusussimavara«.
- Tapersersuisut facebookimi pilersikkusulersimavakka, tamanna ilisarisimasakkalu eqqartungaatsiareersimagatsigu. Tassuunakkullu paasivara Peter Jensenimik tapersersuisoq kisimiinnanga, aammalu sapaatip akunnerata siuliani akerliussutsimik takutitsisuniit tunngavilersuutigineqartut isumaqatiginagit.
Isumassarsiatsialassuusoq paasinarsivoq, tassa aallaqqaataaniiit ilaasortanngortartut ingerlaannavikkamik - ilaasortat maanna 700-t sinneqalersimapput, Else Berthelsen oqaluttuarpoq.
Gruppe Peter Jensenip ilusilersugai malillugit atisalianik ilusilersugaanillu kusaginnittunut pilersitaavoq. gruppep 'Wall'-iani ilaasortaasut ataatsimut eqikkaalluni isumagaat; kalaallit kulturiannik isumassarsiorlutik allat nutaanik pilersitsisinnaanissaat soorunami inissaqartinneqartariaqartoq. Nersualaarinninnertut tigullugulu Kalaallit Nunaat nunarsuarmioqatitsinnut avatitsinniittunut nittarsaassinermut tigullugu.
Gruppemi aqutsisooqataasut marluusut tassaapput Tukumminnguaq Nykjær Olsen aamma Ivalu Rosing Nielsen.