københavn
Kalaallit eqqumiitsuliortut inuusuttut saqqummersitsilersut
Saqqummersitsineq 'Nordatlantisk Mangfoldighed'-mik atserneqarpoq Kalaallit Illuutaannilu Københavnimiittumi juulip 23-anit takuniarneqarsinnaassalluni
Eqqumiitsuliornermik Ilinniarfimmi atuartuusimasut arfinillit Kalaallit Illuutaanni Københavnimiittumi saqqummersitsissapput.
Saqqummersitsineq 'Nordatlantisk Mangfoldighed'-imik atserneqarpoq, Eqqumiitsuliornermillu ilinniarfimmi tamarmik atuarnikuullutik. Ilinniarfimmi pisortaasup Arnannguaq Høeghip saqqummersitsisussat toqqagarai.
Ammaaneq saqqummersitsisullu
Saqqummersitsineq Kalaallit Illuutaanni Københavnimiittumi pingasunngornermi juulip 23-ani nalunaaqutaq 17.00 ammarneqassaaq.
Hobromi saqqummersitsereerput, Københavnimilu saqqummersitsisoqareerpat Odensemi Kalaallit Illuutaanni aamma saqqummersitsisoqassaaq, kingusinnerusukkullu aamma Nunatsinni saqqummersitsissallutik.
Københavnimi saqqummersitsineq juulip 24-anit aggustip 29-ata tungaanut takusarneqarsinnaassapput.
Kalaallit Illuutaanni sulisoq oqaluttuarisaanermillu suliaqartoq Nivi Christensen saqqummersitsinerup ammarneqarnerani ilisarititsissaaq. Saqqummersitsinerup ammarneqarnerani sassaallertoqassaaq.
Poul Møller, Lise Kreutzmann, Paarma Olsvig Brandt, Lisbeth Karline Poulsen, Kirstine Spore Kreutzmann aamma Isak Brandt saqqummersitsissapput.