Kalaallit meerartaat folketingip oqaluuserissavai
Partiit naalakkersuisuutitaqartut marlunngornermi februarip 19-ianni qallunaat naalakkersuisui peqquniarpaat Kalaallit Nunaanni meeqqat isumaginninnikkut sumiginnagaasut ikiorserniarlugit iliuuseqaqqullugit, taamatut allappoq Berlingske Tidende.
Kalaallit Nunaanni meeqqat atugaasa pitsaanerulernissannik qallunaat naakakkersuisuisa suliniueqarnissaannik partiit naalakkersuisuutitaqartut siunnersuutigaat Socialdemokratinit taperserneqarpoq, Dansk Folkepartip piumasaralugu Kalaallit Nunaat nammineq iliuuseqassasoq.
Kalaallit Nunaanni meeqqanik inuusuttunillu ilisimasaqarfik ukiarmi nalunaarusiorpoq, tassani takuneqarsinnaalluni kalaallit meerartaasa 39 procentii piitsuullutik inuusut.
– Ilisimasanik maani Danmarkimi pigisatsinnik ikiuulluarsinnaavugut. Taamaattumik sooq tamakkua atugassaritissanngilagut? Aamma pingaaruteqarpoq Kalaallit Nunaata isumaginninnikkut ajornartorsiutaasa annikillisarnissaat, Socialdemokratini Kalaallit Nunaat pillugu oqaaseqartartoq Mogens Jensen Berlingske Tidendemut oqarpoq.