Kalaallit meerartaat sumiginnaannarsinnaanngilagut
Tupannartorujussuuvoq Kalaallit Nunaanni isumagininnikkut ajornartorsiutit ima annertutigilersimammata sualuttorujussuullutik, konservative-t nunatsinnut oqaaseqartartuat Per Ørum Jørgensen oqarpoq
- Isiginngitsuusaaginnarsinnaanngilarput niviarsiaqqat pingajorarterutaat nukappiaqqallu qulerarterutaat kinguaassiuutitigut atornerlunneqartarnerat, konservativet nunatsinnut oqaaseqartartuat Per Øruym Jørgensen, misissuinermut ullumikkut saqqummiunneqaqqammersumut, oqaaseqaammini oqarpoq. Kisitsisit takutippaat Kalaallit Nunaanni inuusuttut 15 aamma 18-i akornanni ukiullit pingajorarterutaasa imminornissartik pimoorullugu eqqarsaatigisarsimgaat. Inuusuttullu sisamararterutaasa missarpiaat imminoriaraluarsimapput.
Politikerip konservative-neersup Isumaginninnermut ministeri attaveqarfiginiarpaa kajumissaarlugulu nunatsinni ministerioqanni attaveqarfigieqqullugu tusarniarlugu pissutsit alianartut Kalaallit Nunaata qanoq iliuuseqarfiginiarnerai.
- Isumaqarpunga immikkut ilisimasalinnik aallartitsisariaqartugut ikiorsiisussanik pinaveersaartitsisussanillu. Kalaalliniit ajornartorsiutip malunnaatilimmik iliuuseqarfigineqarnissaanut piumassuseqartoqanngippat sakkortuuliortariaqarpugut ataatsimullu tapiissutit ilaat isumaginninnerup aaqqissuuteqqinneqarnissaanut immikkoortillugit, Per Ørum Jørgensen konservative-t quppernerannut nittartakkamut oqarpoq.