Kalaallit Nunaanni timmisartumik ajutoorneq ajorluinnartumik kinguneqarsimasinnaagaluartoq

Air Francep timmisartuutaata 2017-imi septemberip 30-ani Parisimiit Los Angerlesimukartilluni motoorimi ilaa annaavaa.

Ajutoorneq pimmat timmisartoq Kujataani sermersuup qulaani 11 kilometerisut qutsitsigisumiippoq, issimasuullutillu ilaasut 497-it timmisartumilu sulisut 24-t.

Internetsikkut tusagassiivik Check.dk naapertorlugu, ajunaarneq pillugu nalunaarusiami inerniliunneqarsimavoq, motoorip ilaata annaaneqarnerani timmisartup ajoqusernerusimannginnera nalaatsornerinnaasoq.

Motorimmi ilaasa timmisartoq putusimasinnaagaluarpaat:

Canadami mittariaqarsimasoq

- Motoorimit katallugit qummut ammullu ingerlaartut piffissap ilaani nalaatsornerinnamik pipput. Katagarlutik saamiup talerpiullu tungaanut ingerlasut ajorluinnartumik kinguneqartitsisimasinnaagaluarput, assersuutigalugu timmisartup timitaa putuneqarsimasuuppat, imaluunniit timmisartup sulua, timmisartup atortorissaarutai nakkutilliissutaaluunniit ajoquserneqarsimasuuppata, Check-in.dk naapertorlugu Frankrigemi ajunaartoqarnerani kommissioni BEA allassimavoq.

Qujanartumilli timmisartoq ingerlaqqissinnaasimavoq, Canadamilu Goose Bay-mi missinnaasimalluni.

Air Greenland ajutoortoqarnerata kingorna timmisartup motooriata ilaanik mikinerusunik sermersuarmi ujaaseqataasimavoq. Motoorip ilarpassui ajutoortoqarneranit ukiup aappaa avillugu qaangiutereersoq aatsaat sumiissusersineqarsimapput. Aseqqukut GEUS-ip peqataaffigisaanik ujaasinersuaqareersoq nassaarineqarput.

Aseqqukut aputip fire meterisup iluani nassaarineqarput.