Kalaallit Nunaat CNN-mi
Nunarsuarmi isiginnaartartut pissanganaqisumik aviisiliortoq Anderson Cooper biologilu tusaamasaq Jeff Corwin Kalaallit Nunaata sermersuata ilaani allunaasamik ningeqattaartut sapaatip akunnerani matumani isiginnaarlugit malinnaavigaat.
Anderson Cooper Jeff Corwinillu Kalaallit Nunaata silaata allanngornerata nunasuarmut sunniutai isiginnaartartunut paasissutissiissutigaat.
Nunarsuarmi isiginnaartartut aviisiliortoq Anderson Cooper aamma biologi tusaasamasaq Jeff Corwin Kalaallit Nunaata sermiata ilaani allunaasumik ammut pissanganaqisumik ningeqattaartut sapaatip akunnerata matumani isiginnaarlugit malinnaavigaat.
- Kalaallit Nunaata sermianiinneq sermimiluunniit iigartartumiinneq mianersorluinnartuuvoq, Cooper oqarpoq. Taanna tv-liornermini timersortartorpalaartutut ilungersuusserpalaartutullu ilisimaneqarluarpoq. Jakkeqarpoq oqorsagaalluartumik isaruaqarlunilu aputilimmi atorneqartartunik.
- Ersinngitsunik nakkarfigineqarsinnaasunik qunnersuaqarsinnaasarpoq – annaffigineqarsinnaanngitsunik, Cooper mianersoqqusilluni oqarpoq.
CNN-mi aallakaatitassiaq Planet in Peril, nunarsuaq navianartorsiortoq, pissusivinnik tunngaveqarluni
aallakaatitassiaq nalunaaquttap akunnerini sisamani sivisussuseqartoq marlunngornermi,
pingasunngornermi sisamanngornermilu aallakaatinneqarpoq. Aallakaatitassiap ilaa Kalaallit Nunaanni
immiunneqarsimasoq takutinneqarpoq, sermersuarmi sermip aattup kuui takutinneqarlutik Tunumilu
Warming Island aamma takusarneqarluni.
Cooperip Corwinillu silap pissusianik ilisimatooq Dr. Konrad Steffen Swiss Campimiitoq, Ilulissat avannamut kangiani 70 km-eritut ungasitsigisumiittoq apersorpaat. Steffen oqaluttuarpoq sumiffik agguatigiisillugu gradinik tallimaat avillugu ukiut kingullit arfineq pingasut ingerlaneranni kiannerulersimavoq. Apummit sermimillu iminngortitaq sermip ataanut pisarpoq, taamaaliluni sermersuaq sisujartorusaartinneqarpoq.
CNN-meersut aamma Warming Island takusarpaat, taannalu ”nunarsuarmi qeqertat nukarlersaat”-tut atsersimavaat. Taassuma illuatungerilluinnai aallakaatitami takutinneqarput, nunarsuup kiatsikkiartornerata piliaanik qeqertat Cateret Islands Papau New Guineamiittut morsukkiartuinnartut. Qeqertat 2000-nik inoqarput, aallakaatitaq naapertorlugu innuttaasut allamut nunnissaminnik eqqarsaateqanngillat.
"Planet in Peril" Itunes-imit dowloaderneqarsinnaavoq. Nunarsuup kiatsikkiartornerata nunarsuvissuarni tallimani nunani 13-ni sunniutai takutinneqarput. Kalaallit Nunaat pillugu immikkoortup aappaani takuneqarsinnaavoq.