Kalaallit Nunaat Danmarkimit kiannerusoq
Kalaallit Nunaanni sumiiffiit arlallit Danmarkimit ulluni kingullerni kiannerusimapput. Silali allanngulerpoq, siallilissangatinneqarpoq nillertiallassallunilu.
19 grader. Kangerlussuarmi kiannerpaaffiani taama uuttuisoqarpoq.
Nuummi Maniitsumilu 17 grader. Ilulissaluni 13 grader.
Kalaallit Nunaanni sumiiffinni arlalinni ulluni kingullerni seqinnerpoq kiallunilu. Sumiiffiit arlallit Danmarkimit kiannerusimapput, pingaartumik ippassaq.
- Usorsisimaarutigilaarsinnaavarput. Ippassaq silagippoq kialluni. Danmarkimili aasaanerani sila unerisimanngittuarsinnarpoq, juulilu nalinginnaasumit nillernerungaatsiarsimalluni, Anette Nielsen Kangerlussuarmi DMI-p silasiorfianit silasiortoq oqarpoq.
Sila allanngulerpoq
Seqinerli nuissat tunuannut tarrikkallarpoq. Kalaallit Nunaanni sumiiffiit arlallit ulluni tullerni qulisimanerussapput, siallilersinnaalluni, qulillu missaanni ataallugilluunniit kiatsigissagunarluni.
- Kujataani ullumi siallerpoq, Nuummi silap allanngulernera aatsaat malunnarsilerluni. Avannarpartilaaginnaraannili suli seqinnerpoq, Anette Nielsen oqarpoq nangillunilu:
- Taavali sila allanngussaaq. Ulluni tullerni nillernerulaarnissaa siallersinnaaneralu naatsorsuutigisariaqarparput. Danmarkimiilli kiannerulaarsimanerput usorsisimaarutigilaarsinnaavarput, oqarpoq.