Kalaallit Nunaat nersualaarpaa
Inussiarnersuuneq tikilluaqqusineq pinngortitallu pinissusia Kalaallit Nunaata ilisarnaatigaa, Lene Espersen isumaqarpoq.
Lene Espersen nunanut allanut ministeri Jyllandip avannaamiu isorineqaqisoq Canadami issittumi ataatsimeersuarnermit peqataannginnini peqqutigalugu naalakkersuinermi sulialinit qinersisartunillu isorineqaqaaq. Tamaattorli ministerip Kalaallit Nunaat nuannareqaa.
- Ajorineqassagunanngilanga oqaruma naalagaaffeqatigiinnerup iluani Kalaallit Nunaat pinnernersaasoq. Inussiarnersuuneq tikilluaqqusinerlu Kalaallit Nunaanni naapitara taamaallaat allami takusimavara: Peroriartorfinni Hirtshalsimi.
- Inatsisinut atortitsinermut ministeritut ilaatigut politiit angallataanik nunaqarfinnut avinngarusimasunut angalaartarsimavunga. Kalaallit kulturiat ataqqisupilussuuara. Qallunaat kulturianniit allaaneruvoq. Oqaloqatigiinneq nuannersuuvoq allallu kulturi ilisariniarlugit, Lene Espersen oqarpoq, Kalaallit Nunaanik nuannarisaqangaarami angalanermini kingullermi ernini marluk nassarsimallugit nunarsuarmi qeqertat annersaat takuniassammassuk.