Kalaallit Nunaat Stockholmimi
Peqatigiiffik Sverige-Kalaallit Nunaat aamma Nunat Avannarliit Siunnersuisoqatigiivisa Stockholmimi Paasisutissiinermut allaffiat ullumi Kalaallit Nunaat, Issittoq EU-lu pillugit nalunaaquttap akunnerini marlunni aaqqissuisuupput.
Qulequttat svenskit EU-mut siulittaasunngornissaat qaammatialuit sioqqullugu Naalagaaffeqatigiiffiullu Issittoq pillugu Siunnersuisoqatigiinni siulittaasunngornissaat ullualunnguanik sioqqullugu soqutigineqarluarput.
Franskip Damien Degeorgesip Kalaallit Nunaata Issittumi inissisimaffia pillugu statskundskabimi PhD-mi allaaserisaqartup kalaallit nutaata Namminersornerunermiit Namminersornermut ineriartorsimanera, Kalaallit Nunaata Issittumut EU-mullu attuumassutai aammalu silaannaap pissusaanut, nukissiornermut ilinniartitaanermullu tunngatillugu unammillernartut nutaat saqqummiuppai.
Svenskit tusarnaariartut amerlasuut Kalaallit Nunaata siunissaa pillugu amerlasuunik apeqqutilliipput, aamma Sveriges Radiomiit tusagassiortoq Nunat Avannarliit ilaat nuna killermiittoq pillugu aallakaatitassioriartorlunilu kalaallit nunaat pillugu Sverigemi soqutiginninnerulersitsiniarpoq.