Kamaallutik qeqertamut niugaa
Qaqortumi politiit angut arfininngormat ikioriartortariaqarsimavaat. Angutit marluk assortuutilermata angutip aappani qeqertamut nioriarlugu qimaannarsimavaa.
Qaqortup eqqaani qeqertat akornanni qeqertamut maangaannaq niuneqarluni angerlamut ungaseqisoq angutip Qaqormutmmersup uppernarsivaa.
Ikinngutigiit marluk eqqissillutik umiatsiamik angalanerat arfininngornermu ualigaa kingusissukkut sakkortuumik assortuunninnorsimavoq. Assortuunneq sakkortungaamta aappaa aajangerpoq, angallat inunnut marlunnut mikivallaalersoq.
Taamaammat angutip aappaa aalajangeriataarpoq, taamaaleriarlunilu kinngutikorilersimagunakkani qeqertarmut nioriarlugu qimassimallugu.
Politeeqarfimmi pisortaq Jack Nathansen sermitsiaq.gl-imut oqarpoq.
- Angutip arnaataanit sianerfigineqarpugut angut qeqertamut niuneqarsimalluni aaqqusimasoq. Politiillu angallateqannginnatta umiatsiamik attartorluta angut aasariaqarsimavarput, Jack Nathansen oqarpoq.
Pisimasoq maanna sioorasaarisimanermik tunngavilerlugu suliarilerparput, taamalu qanoq pisoqarpiarsimanersoq misissuiffigeriarlugu maannakkuugallartoq pillaammik akiliisitsinissamik umiatsiamillu attartornermut akiliisitsinissamik kinguneqartitsinissaq naatsorsuutigaarput.