Kane Basin'imi nannut kisinneqalersut
Nunavut aamma Kalaallit Nunaat ukiuni pingasuni Kane Basin'imi nannunik misissuinermik ingerlatseqatigiilersut
Apriilip 23-ani, 2012 Kane Basin-imi (Aqutsiveqarfik Avanersuarmi) nanoqatigiit immikkoortut misissuiffigineqarnissaat aallartissaaq.
Pinngortitaleriffiup Nunavumilu Avatangiisinut Naalakkersuisoqarfiat suleqatigalugu.
Kane Basin-imi (KB) nanoqatigiit immikkoortut amerlanngillat Nunavumit Kalaallit Nunaanniillu aqutseqatigiinnikkut suleqatigiissutigineqarput. Ilisimatuut qanittumi Nunavumi tusarniaanerat naammasseqqammerpoq, misissuinissamik tapersiisoqarluni.
Paasissutissat 1993 aamma 1997-llu akornanni pissarsiarineqartut takutippaat nanoqatigiit pineqartumi ikiliartorsimasut, kisianni paasissutissat annertusineqarnissaannik pisariaqartitsisoqarpoq.
- “Nuannaarutigalugu nalunaarutigissavara suleqatigiinnikkut misissuinissap paasitilluassammatigut aammalu nanoqatigiit avitagut ikiliartuutaanngitsumik aqunneqarnissaat anguniarneqarmat, taamatut oqarpoq Naalakkersuisoq Arreak, Naalakkersuisumit Ane Hansenimit taperserneqarluni, Kalaallit Nunaat.
“Nunavormiut Kalaallillu nannut pillugit suleqatigiissinniarlugillu paasissutissaqartinniarpagut. Misissuinerup ingerlanerani suliap killiffiannik nalunaaruteqartarumaarpugut aammalu misissuineq naammassippat misissuinerup inerneri ilisimatitsissutigiumaarlugit.
Ukiuni pingasuni misissuinissaq Canada/Kalaallit Nunaatalu nanoqatigiinnik aqutseqatigiinnissamut ataatsimiititaliaata periusissaannut ilaavoq aammalu 2009-mi Suleqatigiinnissamut Isumaqatigiissummut (MOU) atsiorneqartumut naapertuulluni. Misissuinerup nanoqatigiit amerlassusaannik takutitsissaaq aammalu misissugassanik tigusinikkut misissueriaatsip nannunut ajoqusiinnginissaa siunertarineqarluni.
Suliassaq iluatsillugu piffissalerneqarpoq misissuiffissap eqqaani Baffin Kangerliumarngani nanoqatigiinnik immikkoortunik assigisaanik misissuinissamut. Kingornuttakkat (genetik) nalunaaqutsikkat pisareqqitat atorlugit suliap saniatigut ilisimatuut “qungasequsersukkat” aamma nannut siutaasigut nalunaaqutsikkaniit paasissutissanik Kane Basin-imi katersuisoqassaaq aalajangerniarlugu nanoqatigiit immikkoortut qanoq siaruarsimatiginersut.