Kangaamiuni pinngitsaaleeriartoq
Angutip 41-nik ukiullip Kangaamiuni niviarsiaraq 14-inik ukiunik pinngitsaaleriaraluarpaa.
Annonse
Pisimasoq pivoq sapaatip akunnerata naanerani.
Niviarsiaqqap 14-inik ukiullip angut kommunefogedimut nalunaarutigissallugu qunugisimavaa, taamaattumillu politiit aatsaat ataasinngormat nalunaarfigineqarput.
- Angutip arfininngornerup unnuaani niviarsiaraq pinngitsaaleriarsimavaa, niviarsiaqqalli angummik kommunefogedimut oqaatiginninnissani ataasinngormat ullaakkut aatsaat saperunnaarsimavaa, Maniitsumi politeeqarfiup ittua Miki Sethsen sermitsiaq.gl-imut oqaluttuarpoq.
Angut politiit angallataannik Sisak 2-mit ataasinngormat aaneqarpoq, 41-nillu ukiulik marlunngormat ualikkut Maniitsup eqqartuussivianut sassartinneqarpoq pinngitsaaleeriarsimasutullu unnerluutigineqarluni.
Angut sapaatip akunnerini pingasuni tigummigallagassanngortinneqarpoq.