Kangilinnguit kujataanni ilaqutariit annaanneqartut
Ilaqutariit sisamanik inoqutitallit umiatsiaat minutsialuinnannguit ingerlaneranni kivinerata kingorna Kangilinnguani sakkutuut ilaqutariit annaapppaat.
Sapaatiummat angallammik sukkasuuliamik annaassiniartoqarpoq, Kangilinnguani sakkutooqarfimmi aamma Aasiaat Radioani ajunaalernermik kalerrisaarisoqarnera tusarneqareersoq. Taamatut Kangilinnguani sakkutooqarfimmit paasissutissiissoqarpoq.
Ilaqutariit, aappariit marlunnik meerallit sumerpiamiinnerminnik nalunaarutiginnissimasinnaanngimmata ilaqutariit nalunaaquttap akunnerisa pingajuata affaa qaangiuttoq annaanneqarput. Arsuup eqqaani kangerlummi ajunngitsut annaanneqarput.
Umiatsiaat ikkarlinnermi kinguninngua minutsialuinnannguit qaangiuttut kivivoq. Tamatuma kingorna ilaqutariit gummibådiminnik nunamut annassinnaasimapput.
Umiatsiap sukkasuuliap saniatigut nakkutilliissut, Agpa umiatsiallu arlallit Arsummeersut Qaqortumeersullu ujaaseqataapput. Politiit qanimut suleqatigalugit ujaasisoqarpoq.