Kanukokami paarlaattoqartoq
Kisianni Enok Sandgreen ukiup naanissaanut Aasianniikkallassaaq.
Kalaallit Nunaanni kommunit kattuffianni Kanukokami ullumi Nuummi ilasseqatigiisitsisoqarnerani inulluaqqusisoqarlunilu tikilluaqqusisoqarpoq.
Sisimiuni kommunalbestyrelsimi ilaasortaq Søren Alaufesen Atassummeersoq Kattuffiup sinniisaasa 2007imi majimi Sisimiuni ataatsimeersuarnerani siulittaasutut qinerneqartoq inuussuaqquneqarpoq.
Tikilluaqquneqarporlu Aasianni borgmesteri Enok Sandgreen, Siumut, taannakattuffiup sinniisaasa septembarip naanerani Ilulissani ataatsimeersuarnerani siulittaasussaatut qinerneqarpoq.
Søren Alaufesenip kommunit 18it tunniuppai, kisianni kommunit nutarterneqarneri peqqutigalugit Enok Sandgreenip kommunerujussuit sisamat siuttuuffigilissavai.
Kisianni Enok Sandgreen Aasiannit Nuummut nuutsinnagu suli qaammatit marlussuit ingerlaqqaassapput.
Enk Sandgreenip KANUKOKAmi ulloq naallugu suliffiusumik siulittaasutut sulilertinnani Aasianni borgmesteritut suliffini naammasseqqaarniarlugu aalajangersimavaa.
Enok Sandgreenip tusagassiorfinnut nalunaarutikkut aalajangernini imatut tunngavilersorpaa:
– Aasiani 2007imut naatsorsuutit suli naammassineqanngillat, aamma Aasianni Siumup immikkoortortaqarfiata kajumissaarsimavaannga kommunit januaarip 1iani kattutsinnagit brgmesteritut qaammatit kingulliit sulissasunga.
Taamaattumik kommunit kattuffianni siulittaasutut suliitigaluni kommunit maanna aaqqissuussaanerata iluata sinnerani brgmesteritut suliassani kingulliit suliariniarpai.
2009mi janiaarip 1iata kingorna Nuummut nuussaaq, siulittaasutut tamakkiisumik sulilernissani aallartikkiartorlugu, soorlu kattuffiup aallartitai taamatut piumasaqarsimasut.