Kattusseqatigiit: Anisiaarpallaarata
Kattusseqatigiit Partiiata inatsisartuni ilaasortaatitatuaa, borgmesteriusimasoq Anthon Frederiksen isumasiuinermi anissangatinneqarpoq
– Taamaattoqartuaannarpoq - kingullermik aamma taamaappoq. Anthon Frederiksen Inatsisartuni inigisani pigiinnarniarlugu qaammatip tulliuttup ingerlanerani qineqqusaarluni sukataartussaq oqarpoq. Partiit kingullermik inatsisartunut qinersinermi qinigassanngortissimasaminiit amerlanerusunik qinigassanngortitsissaaq, partiit siorna kommunimut qinersinermi angusarissaarnikuummat, partiip siulittaasua oqarpoq.
– Kommunerujussuarmut qinersinermi angusarissaarnikuugatta ersissuteqanngilagut. Qinersisartunik isumasiuinerit uagut imatorsuaq tigusanngilagut, Anthon Frederiksen borgmesteriujunnaarsimagami Inatsisartuni sulinerminik aallussinerulersussaq oqarpoq - qinigaaqqissaguni.
Kattusseqatigiit Inatsisartuniit anissangatinngikkaluarlugit taamaattoq isumaqarpoq, massakkut naalakkersuisooqatigiissut massakkut qinersinissami ajorsarujussuarumaartut.
– Uanga qularutiginngilluinnarpara Siumut kinguariarumaartoq, Kalaallit Nunaannillu aqutsisussat junip aappaata kingorna allatorluinnaq isikkoqarumaartut, Anthon Frederiksen eqqoriaavoq.
Sermitsiaq nr. 17 atuaruk....