Kiassiorusuppit? Taava Kalaallit Nunaannukarit
Uani sapaatip akunnerani Danmark ukiorsimavoq. TV2-mi nutaarsiassani qallunaat nalunaarfigineqarput: Kiassiorniaruit Kalaallit Nunaannukarit
Ila sila allanngorartaqigami. Nunatsinni sumiiffippassuarni kiaqarpoq Danmarkimili aputaajaassuit piareersarneqarlutik.
Qallunaat qiiakulaaleruttortut ukiornissaanullu piareersarlutik Kalaallit Nunaata silaa kiappoq. Sapaatiummat Nuummi 12,5 gradinik kiappoq, TV2-mi nutaarsiassani oqaatigineqarpoq:
- Kiassiorniaraannilu Kalaallit Nunaannukartriaqarpoq, sapaatiummammi Nuummi 13-nik kiappoq - ukiullu taamaalinerani taama kiatsigineq ajoraluarpoq. Nalinginnaasumik Nuuk novembarimi ulluunerani minus 1-mik issittarpoq, aammami aputeqarpoq – kisianni sila nerumippoq, tassalu silaannaq kangianit kujataaneersoq nunatta kitaata kujataatigoortoq kissarluni anorlertitsisoq nigermik/saqqarsarnermik annertuumik kiatsitsilluni, taamaalilluni annertuumik kialerluni.
Ulluni aggersuni Danmarkimi iluamik ukiussaaq, taamaalilluni nunatta kujataa novembarimi kiassagunarluni - taamaattumik kiassiorusukkuit Kalaallit Nunaannukaannarit!