Inuttaasunut ataatsimiisitsineq
Kielsen-Vittus inuttaasunut ataatsimiisitsimmata soqutigineqarluarpoq
Kim Kielsen Vittus Qujaukitsorlu Maniitsup katersortarfiani innuttaasunut ataatsimiisitsimmata inuit 100-jut missaani takkussimapput.
Ataatsimiisitsinermi qulequttat arlaqartut sammineqarput, Inuussutissarsiornermut, Suliffeqarnermut, Niuernermut Nukissiuuteqarnermullu Nunanullu allanut Naalakkersuisoq Vittus Qujaukitsoq Naalakkersuisullu siulittaasuat Kim Kielsen tamarmik immikkut tikilluaqqusillutik katersortarfimmi oqallinneq aallartippaat.
Inuttaasut paasisaqarusullutik qulequttanik assigiinngitsunik apersuipput:
Naalakkersuisooqatigiinnissamik isumaqatigiissut
Naalakkersuisut inuussutissarsiornermut politikkiat
Maniitsumi majoriap ingerlanneqarneranut aningaasaliissutit
Atammimmi Nuikip ingerlanera
Illoqarfinni nunaqarfinnilu suliffissarsiortut
Maniitsumi suliffeqarnermi annertunerusumik nuttarsinnaalersitsinissaq piginnaanngorsaaqqiinerlu
Qeqqata kommuniani takornariaqarneq
Naalakkersuisut inuussutissarsiornikkut ineriartortitsinerat
Illoqarfimmi atukkat oqallisigineqarput
Illoqarfimmi ajornartorsiutit mininneqanngillat.
Ataatsimiinnermi Meeqqat ukiuannut tunngatillugu "Inuusuit Nipaat" Naalakkersuisut siulittaasuannut tusarnaartinneqarpoq.
Politikkerit angalasut
Kim aamma Vittus ataatsimiinneq naggaserlugu kommunimut qinersinissaq nunattalu siunissaa eqqartorpaat kingornalu nuannarineqarluartumik tujuuluaqqanik, qungaserutinik nasaaqqanillu agguaallutik.
Politikkerit Kangaamiuni inuttaasunut ataatsimiisitsereerunik Kangerlusssuarmukassapput kingusinnerusukkullu avannaanukassallutik.