Ussassaarut
kinaassuseq
Kikkut inatsisitigut kalaaliuppat?
Inatsisitigut nunatsinnut attuumassuteqarneq pillugu politikkikkut oqallittoqartussanngorpoq
Ussassaarut
Ussassaarut
Ussassaarut
Innuttaasut pisinnaatitaaffii Nunatsinnut qanoq attuumassuteqarnermit killilerneqarsinnaasarput. Demokraatit siunnersuuteqarniarput inatsisitigut kalaallit pillugit. Pilersaarutaavoq tamanna Inatsisartut ukiamut katersorneranni oqaluuserineqassasoq.
Atuaruk: Piniarnermut inatsit sukaterneqalerpoq
Nunatsinnut nunaserlaat piniarsinnaanerat aalisarsinnaanerallu pillugit Inatsisartut marlunngornermi oqallipput. Siumumeersoq Lars Mathæussen siunnersuuneqartuuvoq piniarnermut inatsisip sukaterneqarnissaanik, tassanilu siunnersuutigaa sivikinnerpaamik ukiuni pingasuni Nunatsinni najugaqareersimagaanni aatsaat tuttunniarsinnaallunilu umimmanniartoqarsinnaalertariaqartoq. Amerlanerussuteqartulli siunnersuut itigartippaat, taamaattoq Nunatsinnut attuumassuteqarnermut inatsisitigut aalajangersornissaanik oqallinneq malitseqartussanngorpoq.
Demokraatit sinnerlugit Inatsisartuni ilaasortaq Michael Rosing siunnersuummik Inatsisartut ukiaanerani katersornissaannut siunnersuuteqarniarpoq.
- Pisariaqarpoq nuna tamakkerlugu nalunaarsuiffeqalernissarput aamma ilisarnaammik allagartaqalernissarput. Kissaatiginngilarput kulturikkut kalaallip suunera kinaaneraluunniit nassuiassallugu, tassunga atatillugu kalaallimik taaneqassagaanni immikkoortut tunngavilersorluakkat naammassineqarsimasussaapput. Pivarput aalajangiinermi tunngavissat assigiinngitsut aalajangiisartut ilinniarnersiutisiaqalersinnaanissatsinnut, qitornatsinnik meeqqerivimmut allatsitsisinnaanitsinnut, piniarnermut allagartartaarsinnaanitsinnut, Inatisartunut qinersisinnaanitsinnut ilaalu ilanngullugit ataatsimoortillugit, Michael Rosing oqarpoq.
Eqqarsaataavoq paasissutissat pisortat atorsinnaasaannut inissinneqassasut pisariaqalerfiani alakkarneqarsinnaasutut.
Ussassaarut
- Inatsisit naapertorlugit kalaallimik taaneqarnissamut piumasaqaatit naammassigutsigit taava oqartussaaffiit assigiinngitsut misissoqqaartariaqartassanngilaat nunami maani qanoq sivisutigisumik najugaqarsimanersugut, taamaallaat misissortassavaat inatsisit naapertorlugit kalaaliusutut nalunaarsorneqarsimanersugut, Michael Rosing oqarpoq.