Kilitsissianik paasiniaasoqartartoq avissaartuutsitsiniartoqartartorlu ersissutigineqartoq
Qularnanngilaq russit Kinamiullu nunatsinni suliffeqarfiit, inuit soqutigisallu kilitsissiatut paasiniaaffigisaraat, taamatut oqarpoq sakkutooqarnermik misissuisartoq.
Isertortumik paasiniaasartut Forsvarets Efterretningstjeneste ukiumoortumik isumannaatsuunermut naliliinermini ”Udsyn”-imi, ersarilluinnartumik nalunaarpoq cyberikkut isertortumik paasiniaasoqartarneranik sunniiniartoqartarneranillu siusinnerusumit ernumanartoqarnerujussuusoq, tamatumani ilanngullugit paasissutissat Kalaallit Nunaannut Savalimmiunullu tunngasut eqqunngitsut, siunertaralugu Naalagaaffeqatigiinni ilaasortaasut pingasut avissaartortinnissaat. Taamatut oqarpoq Kristian Søby Kristensen, Københavns Universitetimi Center for Militære Studierimi seniorforskeri.
Aviisi Sermitsiaq.AG taamatut allappoq.
– Isertortumik paasiniaasartut assersuutigalugu innersuussutigaat allakkat salloqittaatit 2019-imeersut, nunanut allanut tunngasunut naalakkersuisumit Ane Lone Baggerimit senatorimut republikanerimut Tom Cottonimut nassiunneqartinneqartuusaartitat, taakkualu minnerunngitsumik qallunaat politikerit akornanni politikkikkut aalassatsitsipput. Ullumikkut isumaqartoqarpoq allakkat Ruslandimit suliarineqarsimasut, politikkikkut aningaasarsiornikkullu soqutigisat siuarsarniarlugit.
Isertuussat paasiuminarnerusut
Kristian Søby Kristensen naapertorlugu ilisimaneqarpoq Rusland Kinalu qallunaat oqartussaasuinik, inunnik ingerlatsivinnillu isertortumik paasiniaasartut, taamaattumillu qularnanngilaq aamma Kalaallit Nunaanni Savalimmiunilu isertortumik paasiniaasoqartartoq.
Oqaluttuaq tamaat Sermitsiami sapaatip-akunnerani matumani saqqummersumi atuaruk, ugguuna iserfigisinnaavat: